Anong vitamins ang pampataba?

Habang nakatambay ako sa Dashboard kahapon naisipan kong tignan kung paano nga ba nakakarating ang ibang naliligaw sa blog na ito sa pamamagitan ng mga terms na sinesearch nila sa net. Kung minsan hindi ko na pinapansin natatawa na lang ako sa ka-weirduhan ng mga salitang hinahanap nila sa net. Pero yang tanong na yan ang nakapag-init ng dugo ko lolz.

Ano daw vitamins ang pampataba? Kung ako ang tatanungin mo… hindi ko talaga alam, pramis. Siguro consult ka sa doctor mo. O kaya punta ka ng drugstore. Pero alam mo ba na a year ago natry kong mag-take ng Centrum. Centrum complete from a to zinc. O dibah. Dahil yata jan kaya lalo akong tumaba eh. Kaya yan ang aking muting payo sa kung sino man ang gustong tumaba. Tapos habang nagte-take ka ng vitamins na yan matulog ka ng matulog. Kain ng kain hanggat maari ng burger, ice cream, fries, pizza, chicken, chocolates, lahat ng chicha kainin mo na. Wag kang magcocommute at maglalakad ng malayo. Lagi ka papasundo at hatid sa boylet o girlet mo, driver o kaya sa friend mo. Kung maglalakad ka siguraduhin mong konti lang ang pawis na marerelease mo. Paminsan minsan ka lang maggala sa mall. Utusan mo ang boylet/girlet mo na bumili ng maisipan mong bilihin tapos hintayin mo lang siya sa kotse, upo ka lang dun o kaya naman tulog ka muna kung nabo-bored ka na sa paghihintay. Dont ever think of walking with ur swithart, hindi ka tataba niyan! Hayaan mo syang mapagod hehehe… Magbabad ka sa bahay tapos itodo mo ang AC para super lamig ung tipong hindi ka pagpapawisan. Sarap dibah.

Actually madami pang vitamins na mabibili sa pharmacy itry mo na lang. Ngayon kapag mataba ka na saka mo isipin kung ipagpapatuloy mo pa yan.

Nainis lang ako ng mabasa ko yan. Kasi ang iniisip ko ay kung papano ako magpapapayat pero meron pa rin palang gustong tumaba. Lately puro na lang “Ang taba mo na” o kaya “ang lapad mo”ang naririnig ko. Buti may “pero maganda pa rin” na sinasabi at least man lang may consolation dibah. Napa-frustrate ako kung minsan, minsan naman happy kasi pinangarap kong magka-laman dahil naiinis ako kapag sinasabihan akong “payatot” noon feeling ko kamukha ko si Palito. Hindi ko inakalang tataba ako (ng sobra) kasi matagal na akong matakaw pero noon hindi ako tumataba na parang may malaking sawa sa tyan ko na umaagaw ng sustansya ng mga kinakain ko. Sabi pa nga ng iba sa akin, kinukuha daw ng buhok ko mga nutrients ko.

Pero ngayon anong nangyari? Patay na yata yung sawa na nakatira sa tyan ko at nasuya na ang buhok ko sa paghingi ng sustansya sa katawan ko. Kaya ang resulta pataba ako ng pataba. Ngayon ko lang narealize na ang hirap palang magpapayat. Kaya ayoko na magpapayat sa ngayon, pag-uwi ko na lang ng Pinas.
Update: Pwede mo ring tignan ang link na ito.