Last week we went to a Hypermarket in Al Barsha just to buy tilapia & crème caramel lang sana. Normally kapag nakakaramdam ako ng pagkatamad na maglakad lakad sa supermarket (which is palagi ko namang nararamdaman) siya na lang mag-isa ang bumibili. Pinapa-memorize ko muna sa kanya kung ano mga kailangang bilhin niya at kapag nalimutan niya tinatawagan niya na lang ako, habang ako naman ay nagrerelak at nagbabasa ng 7days sa sasakyan. But last Thursday parang feeling ko naman tamad akong umupo lang, kaya sabi ko sasama ako, gusto kong maglakad-lakad.
Ang supermarket ay nasa 2nd floor. Kaya kailangan mo pang maglakad ng konti papuntang escalator. Bago ako makaakyat ay may narinig akong tumatawag sa akin. “Miss! Miss!” Nakatingin siya sa akin kaya tumingin din ako na parang nagtatanong. Tanong niya, “Miss, filipina ka?” Sumagot ako ng oo. Ayun na… naghahanap daw sila ng isang babaeng makinis ang kutis (naks) para isali sa maliit nilang program. Pumunta lang daw ako sa itaas sa may customer service. Umakyat ako since yun din naman ang way papuntang supermarket. Nakita ko ang customer service, sa tabi nun ang maliit na stage na paggaganapan ng program nila. Nakaramdam ako ng hiya. ILang beses akong nagpalakad-lakad sa may tapat nun habang may kausap sa fone. Nagpunta din muna ko ng CR para i-check kung talagang makinis nga ba ang kutis at mukha ko. Kaya lang lagpak ako sa salamin. Nakikita ko pa ang bakas ng pimples ko na lumabas lang last week. Meron pa ngang maliliit sa noo ko na hindi pa rin nawawala. Sabi ko sa sarili ko nakakahiya naman baka puro foreigner ang kasali, magmukha akong katulong dun. Hindi pa naman ako naka-heels, tapos jeans lang at naka-green & yellow na t-shirt pa. Boyish ang porma ko that night. Litaw na litaw din na kulang ako sa height. Pero pinilit niya ako. Kaya sabi ko cge lapit lang ako dun. Inexplain nung bading na Pinoy sa akin. Sabi ko balik na lang ako, maggo-grocery pa ako eh. Sabi ko kay pakner ayoko na sumali. Siya naman ung pilit ng pilit sa akin. Kukuhanan niya daw ako ng picture, sumali na daw ako. Sabi ko ayoko talaga kasi hiya talaga ako. Maya-maya habang nag-iikot ikot at nagtitingin ng mga bibilhin. May lumapit na naman sa akin na Pilipina. Isa din siya sa naghahanap ng mga babae. Ayun na naman at naghahanap nga daw sila ng babaeng may glowing skin (naks na naman) kaya sali na daw ako at ieexplain niya kaya pinutol ko na sabi ko alam ko na kung ano ang sasabihin niya. Inilista niya ang name ko agad at magkita na lang daw kami mamaya. Ilang beses ko din siyang nakita at pinagsasabihan pa akong maglipstick daw ako, kaso wala akong lipstick. Kaya sabi ko wag na lang pwede na tong hitsura ko. Naks sasali na daw ako hahaha.
Natapos akong maggrocery at un na din, pinaupo na kami. Hanggang sa mag-umpisa ang program. Nakita kong may mga kasaling bata kaya sabi ko okei lang. pero habang nagsisimula ung program, hindi na nila isinali ang mga bagets. Binigyan kami ng flowers at gift na ang laman ay 2 bottle of Yardley deodorant spray. Hay akala ko pa nman produkto ng Olay ang ibibigay deo lang pala … Sumali pa naman ako para makalibre ng Olay products waaaah! Mabango naman ang aking… hmpfffffff!!!
Umupo lang naman kami sa stage ng tatlo pang mga babaeng nahatak din nila para sumali. Puro Pakistani sila. At ako ang pinaka-maganda este matanda sa kanila. Kung naisip ko lang na magsisinungaling sila sa age nila sana sinabi ko 18 pa lang ako. Kaya pala tawa sila ng tawa, aba ung dalawa 23 lang daw at ung isa 24 lang daw. Syempre honest ako kahit pa madaming nanonood nun, kaya sinabi ko kung ilang taon na talaga ako.
Simple lang pala ang gagawin, parang nag-guest lang kami sa isang talk show at sasagutin ang tanong nila kung ano ang ginagawa namin para mapanatiling smooth & glowing ang skin (feeling model). Naks feeling ko ako si lucy torres ah… at ang criteria para manalong Face of the Night ay ang mag-SMS sa… actually hindi nagregister sa isip ko kung papano at kung anong number mo isesend ang boto. Isang dahilan, dadalawa lang kami na nagpunta dun at isa pa, pareho pang walang load hahahaha.. kaya sabi ko sa sarili ko… “wala na kong pakialam dito.. pwede bang umeskapo na? heheheh…”
At ang nanalo ng Face of the Night ay si Mamu Maria… ung nasa tabi ko na naka-orange. Na-picture-an din namin ung baby boy niya ang ganda ng mata. In fairness maganda si Mamu kahit mom na ang ganda pa ng makeup niya pati ang lipgloss niya. Pretty. Diyan nagtatapos ang attempt kong maging Hypermarket (palengke???) beauty queen…
Pictures of the search for Palengke Queen
